Has txug tug Superintendent
Superintendent William G. Andrekopoulos tau ua superintendent rua tsev qha ntawv Milwaukee txij lub Yim Hli ntuj xyoo 2002 lug lawm. 27 xyoo kws nwg tau tsheej ib tug tuab neeg txawj ntse, yawg Andrekopoulos tau ua num rua tsev qha ntawv theem sab hab theem nraab tuab si, hab tau qha cov miv nyuas kawm tshwj xeeb hab cov ib txhis zoo quas log. Ua ntej lub Yim Hli xyoo 2002, nwg tau ua principal rua tsev qha ntawv theem nraab Fritsche nyob Milwaukee, Wisconsin, tau 14 xyoo. Tuav teg num principal, nwg lub zeem muag txhim khu tsi tu ncua tau tsaa peev xim rua lub tsev qha ntawv ntawd moog tau rua tom ntej zoo heev rua ntau phaab hab tsaa kev kawm zoo rua txhua tug miv nyuas. Lub zeem muag nuav los tseem yog ib qhov pov thawj rua huv nwg lub luag num ua superintendent rua tsev qha ntawv Milwaukee.
Thawj xyoo nwg lug ua superintendent rua tsev qha ntawv Milwaukee, yawg Andrekopoulos cov num nwg muab ua xub thawj yog kev nthuav tswv yim txhim khu cov miv nyuas kev kawm tav hab kev qha hab kawm zoo. Lub moj khaum nuav yog ua raws koom txoos qhov kev ntseeg tas: ua rua cov miv nyuas ua ntej; nam txiv yog cov neeg koom teg tseem ceeb; Central Services txhawb cov miv nyuas kev tav; lub chaav kawm yog qhov chaw tseem ceeb tshaaj plawg huv koom txoos; kev koom teg nrug zej zog ntxiv kev zoo; hab kev coj noj coj ua hab teg dlej num yog yum sij moog rua kev tav. Lub moj khaum nuav npaaj lub peev xim hab txhawb cov miv nyuas, nam txiv, cov ua num, tsev qha ntawv, koom txoos, hab lub zog. Ntxiv ntawd, Milwaukee Partnership Academy, kws yog ib tug caag rua kev kawm, nrug cov tuab neeg laag luam hab thawj coj huv zog sis paab nroog lug tuav txuj kev kawm huv MPS, lug ua ib tug nqaaj kws yuav tsaa lub peev xim nuav.
Yawg Andrekopoulos yog ib tug part-time professor rua phaab Administrative Leadership nyob Cardinal Stritch University lug qha nwg cov kev txawj ntse rua lwm twg. Nwg tub tau koom paab National College Board Equity 2000, ua ib tug tim xyoob rua principal advisory panel rua lub national mathematics initiative, hab yog tug vice-chair rua North Central Association (NCA). Nwg yog ib tug kws tau paab ntau yaam heev rua kev nthuav qauv rua teb chaws rua phaab qha kev coj noj coj ua kws zwm rua huv North Central Regional Education Laboratory. Tug Superintendent tau nwg dlaim B.A. phaab Sociology lug huv Marquette University xyoo 1970, nwg dlaim M.A. phaab kawm tshwj xeeb lug huv Cardinal Stritch University xyoo 1985, hab dlaim ntawv pov thawj superintendent lug huv University of Wisconsin-Milwaukee. Nwg muaj quas puj hab peb leeg tub.
